ස්ත්‍රී පියයුරු අතර බොහෝ නොකියැවුණු කථා ඇත රිදුම් සීරුම් සිපුම් සැපුම් හා සුසුම් ද මුසුව ඒ බොහොමයක් කථාවල යටින් ඉරි ද ඇඳ ඇත... නො දන්නවා ඇති ඔබ තවම මේ රිදුම් දෙන්නේ ද මවුගෙන් කිරි බී වැඩුණවුන් බව නො හිතනවා ඇති උනුත් තමන් කිරි උරා බිවු මවු ද එවන් වේදනා උසුලා ඇති බව; කිරි වරා ඇති ගැහැණියක කිසිදා කිරි නො දුන් ගැහැණියක තවමත් කිරි පොවන ගැහැණියක මේ තිදෙනා ම කුටීර සතරක හෘදයකින් යුක්ත බව; ෆ්‍රොයිඩ් කිව්වා සේ නො ලබයි ශෘංගාරයක් මවක දරුවෙකුගෙන් මොන අමන මතයක් ද ඒ විඳියි ඇය නිරාමිස සුවයක් කුස පිරෙන බැව් දැක කුස පිරී ඇස් පියවෙනු දැක බිළිඳුගේ දරා ගනිමින් ඉතා තියුණු සැපුම් සිහින් දත්වල.. ස්ත්‍රී පියයුරක් විඳින්නේ නම් සුර සුව ආලයෙන් පමණකි ළය මඬල පුරා උතුරා දෙන ආලයකින් ම පමණකි එසේ ම ඈ විඳින්නේ නම් දුක් එ ද ඒ ආලයෙන් ම ය එබැවිනි කිසිදා නොකියැවුණ ගී ලියැවුණේ නම් ඒ ස්ත්‍රී පියයුරු අතරේ ම වන්නේ! ©ලක්මාලී හේවාවසම් Art by Constantin Razumov